COMEZO DO CURSO ESCOLAR 22-23

Xa estamos aquí de novo un ano máis coas pilas cargadas e un montón de ganas de facer cousas chulas e divertidas.

Como sempre quería dar unhas orientacións para estos primeiros días.

Traemos o novo mandilón de cadros azuis co nome e a letra do curso na parte de adiante.

É importante colocarlle unha pequena cinta para colgar fácilmente na percha (este ano, a poder ser, deixarémolo colgado na percha da aula, agás nestes primeiros días que sairemos do comedor directamente con él posto).

Unha bolsa co nome con unha muda completa para ter na aula para emerxencias. Todas as prendas deberán ter nome e o mesmo para a roupa que traen posta e así  evitar perdas.

 

 

Unha mochila pequena sen rodas, a poder ser de tea flexible para que se adapte a todo o que metamos dentro e co nome. Serve perfectamente a do curso pasado.

 

 E na mochila traeremos unha pequena botella de auga co nome, unha gorra (por si fai sol) un tupper coa merenda (estos día podedes traer froita, bocata pequeno ou galletas, e para a vindeira semana comezaremos co calendario de merendas).

 

E como novidade este ano imos traer tamén unha carpetiña de plástico tamaño A5 (medio folio) transparente para levar e traer notas ao cole. Tamén co nome.

 Benvid@s